今日劉浩龍食麵嘅時候，喺facebook貼咗一對污糟嘅手相話：「我頭先去食碗麵，對面坐咗位人兄隻手係咁嘅（當然要誇張小小啦）我每食一啖我對眼嘅視線都要望住呢對咁污糟嘅手，我嘗試食多三啖，但係我真係堅持唔到啦。我宣佈投降 『走』。」仲貼咗一條link，係佢嘅歌。

而劉浩龍貼咗呢段說話之後，隨即就俾網民鬧爆：「人哋都係做嘢對手先咁污糟。。。大家都係人。」﹑「對手都唔夠閣下嘅人格污穢。」﹑「人哋隻手污糟，你個心污糟，人哋有得洗，你呢?」「你有強逼症？你一定要望？」「嗰雙手同你良心比算好乾淨。」其實劉浩龍喺佢嘅IG都貼咗同一段文，喺佢被網民鬧嘅時候，佢都有覆一句：「都應該要洗手0架。」

VO：蘋果日報動新聞旁白
http://hk.apple.nextmedia.com/enews/realtime/20150605/53820795

「勤洗手，咪做幕後黑手！」