The Moneyless Manifesto by Mark Boyle

Mark Boyle's new book, The Moneyless Manifesto explores in-depth the social, personal, ecological and economic reasons why we may want to transition beyond money into a localised, gift-based economic model. In it he also provides a vast toolkit of ways you can thrive with little (or no) money.
For more information (and to read the book) go to: http://www.moneylessmanifesto.org.

Film produced by James Light the Gorilla Film Maker
http://www.jameslight.tv/
http://www.youtube.com/user/gorillafilmmakernow

Thank you to The Sustainability Center for there hospitality.
http://www.sustainability-centre.org/

“Estas unu afero pli forta ol ĉiuj armeoj
de la mondo, kaj tio estas ideo kies horo alvenis”
- Victor Hugo

Kio estas mono?

Kial ĝi tiom regas niajn mensojn?

Mi pensas ke kiel kolektivo,

ni ja komencas vidi tra la iluzio de mono.

filmo de James Light

Ĝi igas nin detrui nian habitaton,

tiun aferon kiu provizas al ni la vivon.

Ĝi estas rakonto
kaj rakontoj estas gravaj.

Sed ni devas elekti
niajn rakontojn iom zorge.

Ni ankoraŭ ripetas la rakontojn
kiuj taŭgis antaŭ dek ses mil jaroj.

Ni bezonas inventi novajn rakontojn
kiuj taŭgas por nia nuna epoko.

Ne multaj el ni en la modernaj
socioj vere estas feliĉaj.

Ni ellitiĝas lundon matene kaj sopiras pri
la venonta vendredvespero.

Kaj poste ni ebriiĝas dum la semajnfino

nur por elteni esti ĉe la laboro
dum la tuta semajno.

La senmona vivo ne temas pri sinofero

fakte ĝi temas simple
pri retrovo de la amuzo.

Amuzo estis forigita de nia vivo,

ni faras laborojn kiujn ni malamas nur por
havi paron da ferioj je la semajnfino.

Kial ne simple penetrigi tiun amuzon
en ĉiun unuopan tagon de onia vivo

kaj tiun senton de amuziĝo?

Ne nepre devas esti kiel estas nun.

Kiel popolo, ni estas dependaj de mono

kaj kiam ni komencas tiun unuan paŝon
de simpla rekono de ĝi,

ni tiam povas lerni novajn manierojn
por malpliigi nian dependon

Ne temas pri subite kaj ŝoke ĉesi

sed pri sindemandi kiel oni povas
demamigi sin de tiu tre dependiga substanco

kiu detruas ĉiujn niajn rilatojn.

Do la celo de ĉi tiu manifesto
fakte estas montri al homoj

kiel ili povas transiri
de la alta dependo de mono

kaj de ĉio ligita al ĝi

al maniero remeti en sian vivon
nur la esencajn bazojn

ekzemple akiri sian manĝaĵon kaj amuzi sin

kaj ĉiun aferon kiun la mono
neniam devus koncerni.

Temas pri transiro kiu taŭgas
por via propra vivo

sed kiu taŭgas ankaŭ por la krizo
en kiu ni estas nuntempe.

La aktuala politika kaj ekonomia
modelo kiun ni aplikas

estas plejparte bazita
sur timo kaj konkuro

kaj sur kontraŭstarigo al unu la alian.

Kaj tio havas konsekvencojn
por ni kiel homoj.

Kiu el ni vere volas vekiĝi matene

kaj konkuri kontraŭ ĉiu alia

por tio kio estas traktata
kiel malabundaj rimedoj?

Kaj tial granda parto de la senmona vivo

temas pri vivado per alia maniero,

pri vivado kvazaŭ
kun alia kultura rakonto.

Do, la rakonto pri kio mi klopodas paroli

estas tiu en kiu ni povas plene kunagi.

Ni povas vivi laŭ manieroj kiuj
akordas kun la teritorio en kiu ni estas,

kaj kiuj havas sencon
kaj vere konektas nin al la tero

ekster la ekonomia teorio
kaj filozofio, fundfunde,

ni devas vivi daŭripove
sur la nura planedo kiun ni havas.

Ni ĉiuj estas parto de grandega movado

al ia socia kaj ekologia ŝanĝo.

Simple ĉar ni devas, ĉu ne?

La fundamentoj de nia hodiaŭa vivmaniero
fandiĝas tiel rapide kiel la kalotglaĉeroj.

Ili ne plu havas sencon por ni.

Do ni ĉiuj estas parto
de ĉi tiu ŝanĝo iusence

kaj ni ĉiuj faras diversajn
aferojn laŭ diversaj manieroj.

Kaj dum la ekologia
situacio plimalboniĝas

ni ekkonscios ke fakte

ni estas detruintaj la tutan
bazon de nia vivo ĉi tie.

Kaj mi sentas ke la senmona
vivo tiel estas semo.

Iusence temas pri kreo de novaj rakontoj.

Devus esti pli elkora maniero,
pli amema maniero.

Ĉar kiu el ni volas vivi
kun malpli da koro,

kun malpli da amo en nia vivo.

Ĝi estas unu el la plej bazaj bezonoj.